De freesche Volksgrupp

De freesche Volksgrupp in Düütschland is an de Westküst in Sleswig-Holsteen, in’n Noordwesten vun Neddersassen un in den Kreis Cloppenborg tohuus. Bummelig 60.000 Minschen seggt:

Wi sünd Fresen. Dat sünd Noord-, Oost oder Saterfresen, kümmt ganz op de Gegend an. De Noordfresen sünd in’n Kreis Noordfreesland un op de Insel Helgoland tohuus. De Oostfresen finnt wi in de Landkreisen Auerk, Leer, Freesland un Wittmund, in de kreisfre’en Städer Emmen un Wilhelmshaben un in Gegenden vun de Kreisen Cuxhaben un de Wersermasch. De Saterfresen leevt in’n Noordwesten vun den Landkreis Cloppenborg un in de Gemeend Saterland, de för sik steiht. To de Grupp vun de Fresen höört ok de Westfresen dorto; de sünd in de Nedderlannen as natschonale Minnerheit anerkennt.

De Organisatschonen vun de Fresen sett sik in, dat jümehr Spraken nich ünnergaht, dat se en faste Steed in uns Sellschop hebbt, un dat de Kinner in de School wat vun de Spraken un Kultur lehrt.

As Dackorganisatschoon vun de Noordfresen deent de Frasche Rädj (Fresenraat, Sektschoon Noord i. V.). De steiht in för de gemeensamen Intressen vun de noordfreeschen Organisatschonen na buten hen un in anner Gremien. Dat dat Saterfreesche fastholen un föddert warrt, dorför sett sik de Seelter Buund (Heimatvereen Saterland) in. De Oostfreeske Landskupp sitt in Auerk (Aurich) un stütt de oostfreesche Spraak- un Kulturarbeit.

> Minderheitenspezifische Regelungen