Danska mjeńšina

Hranica mjez Schleswigsko-Holsteinskej a Danskej je lědma pytnyć: Wjele ludźi rěči němsce a dansce. W najsewjernišim němskim zwjazkowym kraju je po trochowanjach něhdźe 50.000 přisłušnikow danskeje mjeńšiny z němskim staćanstwom žiwe. Derje organizowani tworja woni móst k našej susodce Danska.

Woni bydla předewšěm w hraničnym měsće Flensburg kaž tež w sewjernym dźělu wokrjesa Rendsburg-Eckernförde. Danska mjeńšina pomjenuje swój sydlenski teritorij jako Južnoschleswigska. Nawopak je w Sewjeroschleswigskej w kralestwje Danska němska mjeńšina žiwa.

Dźakowano wulkej ličbje sylnych a samostatnych organizacijow móže danska mjeńšina swoje hódnoty a tradicije pěstować. Sydslesvigsk Forening (SSF) – Južnoschleswigske towarstwo – je jich hłowna kulturna organizacija. Ze swójskej stronu, Südschleswigschen Wählerverband (SSW) (Južnošleswigskim wolerskim zwjazkom) (JŠW), je danska mjeńšina tučasnje ze štyrjomi zapósłancami w Schleswigsko-Holsteinskim krajnym sejmje a wot wólbow do Zwjazkoweho sejma w lěće 2021 tež z jednym bjezfrakcijnym zapósłancom w Němskim zwjazkowym sejmje zastupjena.

„Europska politika je mjeńšinowa politika“

Danska mjeńšina ma za wažne, zo so kóždemu čłowjekej swobodna wólba narodnosće a kultury přizwola. Tale wólba měła so jako demokratiski zakładny princip w přezjednosći z Ramikowym dojednanjom za škit narodnych mjeńšinow Europskeje rady a Europskeje charty regionalnych abo mjeńšinowych rěčow respektować. Tak postuluje danska mjeńšina: „Europska politika je mjeńšinowa politika a mjeńšinowa politika je europska politika“.

> mjeńšinospecifiske rjadowanja