Menu
Die Tsentroalräid Düütske Sinti un Roma wude in´n Februar 1982 gründed un is die oainständige Dakfereen fon 17 Loundesfereene. Hie is ju bürgergjuchtelke un politiske Inträssenfertreder fon do düütske Sinti un Roma un hie sit in Heidelberg. Die Tsentroalräid sät sik deerfoar ein, dät do Sinti un Roma mäd glieke Gjuchte deelnieme konnen an Politik un Gesälskaft un foar dän Sküül un dän Stöäan as natsionoale Minderhaid.
As Deel fon sin bürgergjuchtelke Oarbaid bedrift hie dät Uumsätten fon dät „Romenuureenkumen foar dän Sküül fon natsionoale Minderhaiden ” ap natsionoale Iuwene un is deerfoar ju hele Tied in aan Dialoog mäd Buundes- un Loundesregierenge. Foar do düütske Sinti un Roma häd die Tsentroalräid in´n Maoi 1995 truchsätd, dät jo as natsionoale Minderhaid gjuchtelk anärkoant wäide. Foar dät Romanes in Düütsklound häd hie et kloorbroacht, dät et as Minderhaidensproake ätter ju europäiske Charta fon do Regionoal- un Minderhaidensproaken fon dän Europaräid anärkoant wät. Hie stöänt dät Tousoamenkumen fon do, do dän Holocaust uurlieuwt häbe; sät sik ien foar dän Sküül fon do Grebe fon Sinti un Roma, do fon do Nazis ferfoulget wuden sunt, un organziert rägelmäitich Räisen ätter historiske Eerenmoale in Düütsklound un buterhalb.
Ap internatsionoale Iuwene ferträt die Tsentroalräid rägelmäitich do Inträssen ap Träffen fon ju EU, dän Europaräid un ju OSZE un is Lid in monige natsionoale un internatsionoale Minderhaidenfereene.
> tou ju Huussiede in´t Nät fon dän Tsentroalräid Düütske Sinti un Roma
> moor uur do düütske Sinti un Roma
In dän Minderhaidenräid sitte Romani Rose un Jara Kehl.
Foarsitter fon dän Tsentroalräid düütske Sinti un Roma
• bit 1982 fräien Koopmon
• Aktivist foar Burgergjuchte
• sänt 1982 Foarsitter fon dän Tsentroalräid düütske Sinti un Roma
Lere, Boantjene un wierk foar ju Moaskuppäi:
• sänt 1991 Boas fon’t “Dokumentations- und Kulturzentrums Deutscher Sinti und Roma” in Heidelberg
• Lid fon dät Direktorium fon ju internationoale Bewegenge juun Diskriminierenge un Rassismus (IMADR), ju in’t Jier 1988 in Tokio stifted is
• In Moaimound 1995 kreeg Rose et in de Mande mäd do Buunde fon dän Tsäntroalräid wai, dät do düütske Sinti un Roma as nationoale Minderhaid in Düütsklound – mäd ne oaine Minderhaidensproake – anärkoand wuden, ferbuunden mäd dän Koos, dät jo mäd glieke Gjuchte an’t Lieuwend inne Moaskuppäi un Politiek deelnieme konnen.
• Foar sien internationoale Oarbaid wude Rose dän 29. Moaimound 2006 as eersten Fertreder fon do Sinti un Roma fon ju polniske Regierenge as Lid fon dän internationoalen Auschwitz-Räid benamd.
• Lid fon dän Bieräid fon ju düütske Antidiskriminierengsstede (ADS) un fon do Kuratorien fon ju, “Kulturstiftung des Deutschen Fußballbundes” (DFB) und ju Manfred-Lautenschläger-Stiftung.
Politiekferljuchterske fon dän Tsäntroalräid düütske Sinti un Roma
• Politiekwietenskupsmoanske
Lere, Boantjene un wierk foar ju Moaskuppäi:
• Studium Politiske Wietenskup an ju Freie Universität in Berlin
• biezig foar ferskedene Buunde fon Ienwonderere in Berlin
• Upperste bie dät Projäkt “Bridge” (Berliner Netzwerke für Bleiberecht) fon dän Kurdistan Kultur und Hilfsverein e.V.
• sänt 2011 Ferljuchterske foar Politiek bie dän Tsäntroalräid düütske Sinti un Roma in Heidelberg un deer biezig mäd et Uutklamüüsterjen un truchfieren fon Ploane foar’t Anerkannen, Stöänen un Beskiermjen fon do düütske Sinti un Roma as nationoale Minderhaid.