Die fräiske Foulkstrupel

Die fräiske Foulkstrupel in Düütsklound lieuwt an ju sleswig- holsteenske Wäästküste un in dän Noudwääste fon Nedersaksen as uk in dän Krais Cloppenburich. Me gungt deerfon uut, dät sowät 60.000 Moansken fon sik säärm mene, dät ze Fräisen sunt.

Deerätter gerekend, wier ze woonje, hete ze Noud,- Aast,- un Seelterfräisen. Do Noudfräisen sunt in dän ätter him namden Krais Noudfräislound un ap Helgolound to Huus. Do Aastfräisen lieuwje in do Kraize Auerk, Lier, Fräislound un Wittmund, in do kraisfräie Städe Oamde un Willemshoawen as uk in Dele fon do Loundkräize Kukshoawen un Wesermarsk. Do Seelter säidelje in dän Noudwääste fon dän Loundkrais Cloppenburich un in ju Meente Seelterlound, ju oanständich is. Tou do Fräisen here uk do Wäästfräisen, do in Hollound as natsionoale Minderhaid anärkoant sunt.

Hiere Fereene sätte sik u. u. deerfoar ien, dät Sproaken ärheelden blieuwe un öffentlik brukt wäide un uk, dät ju Kultur inne Skoule färe roat wät.

Die Buund, die foar do noudfräiske Organisationen apkumt, is die Fräiske Räid Sektion Noud. Foar’t Behoolden un Fouthälpen fon do Seelterfräizen sät die Seelter Buun sik ien. Ju Oarbaid foar ju aastfräiske Toal un Kultuur moaket ju Aastfräiske Loundskup in Auerk.

> Minderheitenspezifische Regelungen