De Grenz twüschen Sleswig-Holsteen un Däänmark warrt een meist nich wies. Vele Minschen snackt düütsch un däänsch. In dat Bunnsland ganz in’n Noorden vun Düütschland leevt üm un bi 50.000 Lüüd, de to de däänsche Minnerheit dorto höört un düütsche Börgers sünd. Se sünd goot opstellt un hoolt Kuntakt na uns Naverland Däänmark. Vele vun jüm sünd in de Grenzstadt Flensborg, in de Kreisen Noordfreesland un Sleswig-Flensborg un in’n Noorden vun den Kreis Rendsborg-Eckernföör tohuus.

De däänsche Minnerheit sülvst seggt, jümehr Lüüd wahnt in Süüdsleswig. Op de anner Siet leevt en düütsche Minnerheit in Noordsleswig in’t Königriek Däänmark. De däänsche Minnerheit hett en grote Tall vun Organisatschonen, de stark un sülvstännig sünd un kann dorüm ehr Weerten un Traditschonen leven.

De däänsche Minnerheit hett en grote Tall vun Organisatschonen, de stark un sülvstännig sünd un kann dorüm ehr Weerten un Traditschonen leven. De Sydslesvigsk Forening (SSF) – de Süüdsleswigsche Vereen – is de kulturelle Hauptorganisatschon. Mit en egen Partei, den Süüdsleswigschen Wählerverband (SSW), is de däänsche Minnerheit in’n Momang mit veer Afordenten in den Sleswig-Holsteenschen Landdag dorbi un siet de Bunnsdagswahl 2021 sitt ok en Afordente ahn Frakschoon in den Düütschen Bunnsdag.

“Europapolitik is Minnerheitenpolitik”

För de däänsche Minnerheit is dat heel un deel wichtig, dat jeedeen Minsch sik sien Natschonalität un Kultur free utsöken kann. Un jeedeen schall dat respekteren – so as dat begäng is in en Demokratie un so as dat „Rahmenübereinkommen zum Schutz nationaler Minderheiten“ un de Europääsch Sprakencharta dat vörschrifft. „Europapolitik is Minnerheitenpolitik un Minnerheitenpolitik is Europapolitik“.

> Minderheitenspezifische Regelungen