Minnerheitensekretariat

För keen staht wi in?

Sorben in de Lausitz

Üm un bi 60.000 Minschen höört vundaag to dat sorbische Volk dorto. Se sünd blots in Düütschland tohuus: in de Oberlausitz (Freestaat Sachsen) as Obersorben un in de Nedderlausitz (Land Brannenborg) as Neddersorben/Wenden.

Dat Volk vun de Sorben – fröher weern dat mal slawische Stämm ut den Noordoosten vun de Karpaten – keem vör rund 1.500 Johr na de Gegend twüschen Oostsee un Erzgebirge. In de Lausitz kunnen de Minschen jümehr Kultur över de Johrhunnerten meisttiets redden – man de Politik vun de Natschonalsozialisten stünn jüm in’n Weg. Dat gifft twee sorbische Spraken: Obersorbisch un Neddersorbisch/Wendisch, de bet vundaag in vele Familien un in’n Alldag snackt warrt. Man jüst för dat Neddersorbische/Wendische süht dat nich goot ut: Gifft weniger un weniger Lüüd, de dat snackt.

Wi höört nich blots den Naam Sorben, nee jüst in Brannenborg warrt ok de öllere Naam „Wenden“ vun Amts wegen bruukt. Düsse Naam geiht trüch op Geschichtsschrievers ut de röömsche Tiet: To Stämm in‘n Oosten, de se nich kennen deen, hebbt se „Veneti“ seggt. In’t Düütsche sünd dor de „Wenden“ ut worrn.

De Domowina – Bund Lausitzer Sorben e.V. is de Dackverband vun all sorbischen Verenigungen. Politisch hangt de Verband vun keen un nix af. Dat weer 1902 as he grünnt worrn is; tohuus is he in Bautzen.

Hier finnt Se mehr:

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

18.12.2018

Fröhliche Weihnachten und ein gesundes neues Jahr!

Mehr erfahren

17.12.2018

Europäische Studenten der nationalen Minderheiten sind 2020 an eine dänische Højskole in der deutsch-dänischen Grenzregion eingeladen

Mehr erfahren