Minnerheitensekretariat

Rechtliche Grundlagen

Dat Gesetz vun dat allgemene Gliekbehanneln (AGG)

Siet den 18. August 2006 gellt dat Gesetz vun dat allgemene Gliekbehanneln (AGG) (Lüüd seggt dor ok Antidiskriminerungsgesetz to). Dat sett veer europääsche Richtlinien gegen Diskriminierung ut de Johren 2000 bet 2004 in düütsche Recht üm.

Dat AGG will dorop dal, Diskriminerung en P vör to setten oder ut de Welt to bringen (§ 1 AGG). Dat geiht gegen rassistisch Diskriminerung oder dat en Minsch Nedelen hett vunwegen dat Volk, to dat een tohöört, wat een Fro oder Mann is, de Religion oder de Sicht op de Welt, en Behinnerung, wo oolt een is oder wat een sik as Fro, Mann oder anners wat süht. Dat AGG regelt, wat för Rechten de Börgerslüüd bi Diskriminerung hebbt un wat de Staat ünnernehmen kann; dat gellt för dat Arbeitsrecht un jüst so för dat Zivilrecht.

As dat AGG Gesetz worrn weer, hebbt se 2006 de Antidikriminerungssteed vun den Bund (ADS) inricht. Dat is en Steed, de free arbeiden deit un de all Minschen anropen köönt, de diskrimnineert worrn sünd. De ADS sülvst un wat se to maken hebbt, steiht in dat „Antidiskriminerungsgesetz“ binnen un richt sik na de EU-Richtlinien över dat Gliekbehanneln. Jeedeen kann sik an de ADS wennen un sik Raat halen, wenn he oder se diskrimineert worrn is un Hölp bruukt.

De ADS hett en Biraat, dor sitt Lüüd för de gesellschaftlichen Gruppen un Organisatschonen binnen un ok Fachlüüd, de sik dormit utkennt, wenn Minschen oder Gruppen nich to jümehr Recht kaamt. De Biraat gifft de ADS Raat bi Berichten oder Raatslääg an den Bunnsdag. Un de Biraat kann ok egen Vörslääg maken, wat för Punkten de Wetenschaft ünnersöken schall. Een Liddmaat vun den Biraat is Romani Rose, de Vörsitter vun den Zentraalraat vun de Düütschen Sinti un Roma. Sien Vertredersch is Judit Šołćina / Judith Scholze, se hett dat Leit vun dat Minnerheitensekretariat vun de veer autochthonen natschonalen Minnerheiten un Volksgruppen in Düütschland.

För all steiht bavenan, dat dat Gesetz vun dat allgemene Gliekbehanneln (AGG) bekannt maakt warrt. Un vun dat, wat de Antidiskriminerungssteed vun den Bund (ADS) maakt, mütt egaalweg vertellt un schreven warrn. Kloor, dat dat Minnerheitensekretariat en Oog dorop hett, wenn de autochthonen natschonalen Minnerheiten in Düütschland nich de Rechten kriegt, de jüm tostaht.

 

Mehr dorto:

Dat Gesetz vun dat allgemene Gliekbehanneln in’t Internet

Op de Siet vun de Antidiskriminerungssteed vun den Bund (ADS) steiht noch mehr över dat Gesetz

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

10.07.2019

SAFE THE DATE: Kreativworkshop für Jugendliche aus Schleswig-Holstein

Mehr erfahren

09.07.2019

Das Minderheitensekretariat wünscht eine schöne und erholsame Sommerzeit

Mehr erfahren