Minnerheitensekretariat

Minnerheitenraat vun de veer autochthonen natschonalen Minnerheiten un Volksgruppen in Düütschland

DOMOWINA – Zwjazk Łužiskich Serbow z.t. – Zwězk Łužyskich Serbow z.t. – Bund Lausitzer Sorben e.V.

De Domowina is in Bautzen/Budyšin tohuus. Düsse Bund vun de Sorben hangt politisch vun keen un nix af un is de Dackverband vun de sorbischen Verenen an de Ober- un Nedderlausitz. De Bund maakt sik stark för dat sorbische Volk, sünnerlich in de Gegenden vun Brannenborg un Sachsen, wo de Sorben leevt.  

Siet sik de Domowina 1912 grünnt hett, sett se sik in för de ober- un neddersorbische Spraak un för de Kultur un de Traditschonen vun’t sorbische Volk. As Dackorganisatschoon bringt se de Sorben un de sorbischen Verenen tohoop un gifft jüm bi jümehr Arbeit Stütt. Se maakt sik stark för dat, wat de Sorben wüllt: mang de Lüüd, bi de Parlamenten, Steden un Verwaltungen vun de Gemeenden, Kreisen, Länner un den Bund un ok internatschonal.

In den Minnerheitenraat sitt:

för de Obersorben David Statnik un Bjarnat Cyž/Ziesch, un för de Neddersorben/Wenden Kito Ela/Christian Elle.


Dawid Statnik / David Statnik (* 1983)

Vörsitter vun de Domowina – Bund Lausitzer Sorben e. V.

  • Meister för Veranstaltungstechnik in’n Fachbereich Bühn/Studio

Sien Arbeit för de Gesellschaft:

  • 2007-2009 Liddmaat in den Vörstand vun den Sorbischen Jugendvereen Pawk e.V.
  • siet 2009 Liddmaat in den Bunnsvörstand vun de Domowina 
  • siet 2011 Vörsitter vun de Domowina 
  • siet 2013 Liddmaat bi de Versammlung vun de Lannsanstalt för privaten Rundfunk un nee‘e Medien in Sachsen (SLM) 
  • siet 2013 Liddmaat bi’t Dialogforum vun de Föderalistische Union vun Europääsche Volksgruppen (FUEN) mit dat Europääsch Parlament un anner Inrichtungen in Europa

Bjarnat Cyž / Bernhard Ziesch (* 1951)

Liddmaat vun’n Bunnsvörstand vun de Domowina

  • 1951 in Měrkow/Merka (Oberlausitz/Sachsen) op de Welt kamen
  • Diplom-Informatiker
  • 1992-2016 Geschäftsföhrer vun de Domowina

Sien Arbeit för de Gesellschaft:

  • siet 1991 Liddmaat vun den Raat vun de Stiften för dat sorbische Volk
  • siet 2013 Liddmaat vun’t Präsidium vun de Föderalistische Union vun Europääsche Volksgruppen (FUEN)
  • twete Börgermester vun de Gemeend Puschwitz
  • Vörstandsvörsitter vun den Musikvereen Crostwitzer Blaasmuskanten

Kito Ela / Christian Elle (* 1949)

Liddmaat vun’n Bunnsvörstand vun de Domowina

  • 1949 op de Welt kamen; groot worrn in Commerau bi Königswartha (Oberlausitz/Sachsen)
  • wahnt siet mehr as 40 Johr in de Nedderlausitz
  • Schoolmester för Physik un Reken 

Sien Weg in Profeschoon un sien Arbeit för de Gesellschaft:

  • Vun 1971 op an Schoolmester un vun 1985 bet 1990 harr he dat Leit vun de Sorbische Erweiterte Oberschool Cottbus 
  • 1998-2001 Wetenschaftlich Mitarbeider bi den Sorbischen Schoolvereen e.V.
  • 2001-2011 harr he dat Leit vun de Nevensteed vun dat WITAJ-Spraakzentrum in de Nedderlausitz
  • Christian Elle hett dor veel för daan, dat de sorbische/wendische Spraak in de Nedderlausitz wedder lebenniger worrn is
  • Liddmaat in den Bunnsvörstand vun de Domowina

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

15.12.2018

Land Brandenburg unterstützt erstmals sorbische/wendische Bildungsangebote in Kitas

Mehr erfahren

14.12.2018

Gedenkstunde im Bundesrat: Bund-Länder-Vereinbarung zum dauerhaften Erhalt der Grabstätten NS-verfolgter Sinti und Roma heute im Bundesrat unterzeichnet

Mehr erfahren