Minnerheitensekretariat

Minnerheitenraat vun de veer autochthonen natschonalen Minnerheiten un Volksgruppen in Düütschland

Sydslesvigsk Forening (SSF)

De Sydslesvigsk Forening (SSF) – de Süüdsleswigsche Vereen – hett sik 1920 grünnt un is de wichtigste kulturelle Organisatschoon vun de däänsche Minnerheit in Düütschland. Tohuus is de Vereen in Flensborg.

Bavenan steiht för den SSF, de däänsche Spraak un de däänsche un de noordische Kultur Stütt to geven. He will, dat de Minschen verstaht, wat jümehr Tohuus in Sleswig utmaakt. He will Kuntakt hollen mit Däänmark, mit den Noorden un mit de däänschen Sleswigers, de nich in Süüdsleswig leevt. Op de een Siet is de SSF dor tostännig för, kulturell wat op de Been to stellen. Op de anner Siet steiht he in för de Minschen, de to de Minnerheit dorto höört un maakt Politik för jüm. De SSF hett 15.000 Liddmaten in üm un bi 80 Oortsverbänn. 

In den Minnerheitenraat sitt Jon Hardon Hansen un Jens A. Christiansen för den SSF.

Süüdsleswigsche Wählerverband (SSW)

De Süüdsleswigsche Wählerverband (SSW) hett sik 1948 as Partei vun de däänsche Minnerheit in den Lannsdeel Sleswig un vun de natschonalen Fresen in Noordfreesland grünnt. De SSW hett dree Stöhl in den 18. Sleswig-Holsteenschen Landdag (2012-2017) un is  opstunns de drüttgröttste Partei. Un Anke Spoorendonk, de Ministersche för Justiz, Europa un Kultur vun de root-gröön-blaue Regeren, is vun den SSW.

In den Minnerheitenraat sitt Flemming Meyer un Martin Lorenzen för den SSW.


Jon Hardon Hansen (* 1957)

Vörsitter vun den Sydslesvigsk Forening (SSF)

  • in Tarp op de Welt kamen, leevt in Westerland op Sylt
  • Vun 1991 op an däänsche Paster

Sien Arbeit för de Gesellschaft:

  • Siet 1992 in den Vörstand vun den SSF Vesterland-Hørnum un siet 2003 in den Vörstand vun den SSW Vesterland-Hørnum
  • 2003-2013 eerste Stellvertreder vun den Vörsitter vun den SSF, Siet 2013 Vörsitter vun den SSF
  • 2004-2008 Liddmaat vun den Kulturutschuss vun de Stadt Westerland 
  • 2007-2013 in den Opsichtsraat vun Flensborg Avis
  • Siet 2009 Liddmaat vun dat C.-P.-Hansen-Kuratorium Sylt 
  • 2013-2017 Vörsitter vun den SSF Sild/Sylt
  • Siet 2017 Vörsitter vun de Mikkelberg Stiftung

Jens A. Christiansen (* 1956)

Generalsekretär vun den Sydslesvigsk Forening (SSF)

  • in Flensborg op de Welt kamen
  • M.A. in noordsche Philologie, hett blangenbi noch Theologie un Nordisch Volkskunnwetenschaft studeert 

Sien Weg in Profeschoon: 

  • fröhere Bottschopsraat för Arbeitsmarktfragen in den butenministeriellen Deenst an de däänsche Bottschop in Bonn
  • 1988-2001 Akademisch Mitarbeider bi den Däänschen Arbeitgeververband/DA: Referatsleiter in de Utbildungspolitisch Afdelen
  • 1996 hett he dat grote Verdeenstkrüüz vun de Bunnsrepublik Düütschland kregen. 
  • Vun 2001 op an Generalsekretär vun den Sydslesvigsk Forening

Flemming Meyer (* 1951)

Lannsvörsitter vun den Süüdsleswigschen Wählerverband (SSW)

Flemming Meyer is sozialpolitisch un umweltpolitisch Spreker vun den SSW in den Landdag vun Sleswig-Holsteen. Un he is de Parteivörsitter vun den SSW.

  • in Sønderborg (Däänmark) op de Welt kamen, opwussen in Schafflund (Düütschland)
  • Schoolmester för Reken, Däänsch un politisch Bilden

Sien Weg in Profeschoon un Politik: 

Wat he för den SSW maakt hett 

  • 1981-1993 Vörsitter vun den SSW-Oortsverband in Wallsbüll
  • 1985-1991 un 1999-2003 Vörsitter vun den SSW-Kreisverband Flensborg-Land
  • 2003-2005 twete Stellvertreder vun den SSW-Lannsvörsitter
  • Vun 2005 op an Lannsvörsitter vun den SSW

Politisch Ämter

  • 1982-1993 Liddmaat vun den Gemeenderaat in Wallsbüll
  • 1986-1989 Börgerschaftlich Liddmaat in den Bo-Utschuss vun den Kreis Sleswig-Flensborg
  • 1989-2009 Kreisdagsafordente vun den Kreis Sleswig-Flensborg
  • 2003-2009 Vörsitter vun de SSW-Kreisdagsfrakschoon Sleswig-Flensborg
  • Vun 2009 op an Liddmaat in den Landdag 

Sien Arbeit för de Gesellschaft:

  • Liddmaat vun den Sydslesvigsk Samråd (Raat vun all de däänschen Minnerheitenorganisatschonen)
  • Liddmaat vun den Minnerheitenraat vun de veer autochthonen natschonalen Minnerheiten in Düütschland 
  • Liddmaat vun den Beratenden Utschuss för Fragen vun de däänsche Minnderheit bi’t Bunnsbinnenministerium („Kuntaktutschuss“)
  • Siet 2016 in den Vörstand vun de Partei European Free Alliance (EFA)

Martin Lorenzen (* 1963)

Lannsgeschäftsföhrer vun den Süüdsleswigschen Wählerverband (SSW)

  • utbillt as Industriekoopmann 
  • hett Betriebswirtschaft in Däänmark studeert

Sien Weg in Profeschoon: 

  • Bedrievswirt in däänsche Ünnernehmen
  • Wetenschaftlich Mitarbeider bi de SSW-Landdagsfrakschoon
  • Föhrt de Geschäften vun de SSW-Landdagsfrakschoon
  • Lannsgeschäftsföhrer vun den SSW

Sien Arbeit för de Gesellschaft:

  • Liddmaat in den Vörstand vun den däänschen Studentenvereen
  • fröhere twete Vörsitter vun den SSW Flensborg
  • fröhere SSW-Raatsherr in Flensborg
  • Börgerschaftlich Liddmaat in den Flensborger Kulturutschuss
  • Börgerschaftlich Liddmaat in den Flensborger Finanzutschuss
  • Liddmaat in den düütsch-däänschen Kulturutschuss vun de Region

     

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

15.12.2018

Land Brandenburg unterstützt erstmals sorbische/wendische Bildungsangebote in Kitas

Mehr erfahren

14.12.2018

Gedenkstunde im Bundesrat: Bund-Länder-Vereinbarung zum dauerhaften Erhalt der Grabstätten NS-verfolgter Sinti und Roma heute im Bundesrat unterzeichnet

Mehr erfahren