Minnerheitensekretariat

Informatschonen för Neeschierigen

Praktikum in’t Minnerheitensekretariat

Wenn du en Praktikum bi’t Minnerheitensekretariat vun de veer autochthonen natschonalen Minnerheiten un Volksgruppen in Düütschland maakst, hest du de Schangs, di antokieken, wat för de autochthonen Minnerheiten vun de Hauptstadt Berlin ut maakt warrt. Du kriggst mit, woans de Arbeitsalldag utsüht, un kannst wieswarrn, wat in’t Arbeitsleven so allens begäng is.

Wi freit uns op all, de en Praktikum bi uns maken wüllt, de mehr vun uns Arbeit afweten wüllt un de uns för en Tietlang ünner de Arms griept un bi uns mitlopen wüllt.

Du kriggst mit, woans de Arbeit bi uns aflöppt: De Kollegen sünd jung un hebbt frische Ideen. Höörst du to en autochthone natschonale Minnerheit dorto? Denn freit wi uns noch mehr.

Bi uns kriggst du de Schangs in vele ünnerscheedliche Projekten rintokieken un dor ok mittoarbeiden. Un du büst bi Veranstalten mit dorbi.

Bi dien Praktikum arbeidst du in’t Minnerheitensekretariat in Berlin in de Bunnsallee 216 -218. To dien Opgaven höört dorto:

  • Nipp un nau ankieken, woans de parlamentarische Arbeit vun den Bund un sien Utschüss aflöppt: Woans höört allens to de Minnerheitenpolitik mit to, un wat för Problemen gifft dat?
  • En Plaan opstellen för de Arbeit vun de enkelten Gremien: Minnerheitenraat, Drapen mit Parlamentariers vun den Düütschen Bunnsdag, Raat geven Utschüss vun de Minnerheiten, parlamentarische Drapen usw.
  • Organisatschoon vun un / oder Mitmaken bi Veranstaltungen in Berlin
  • Medien- un Pressearbeit to dat, mit wat de Minnerheiten to doon hett
  • Naforschen, woans dat opstunns för de Minnerheiten utsüht, un Schrieven vun Gootachten
  • An dien egen lütt Projekten arbeiden
  • Utkunft geven un anner Lüüd wat vertellen vun de natschonalen Minnerheiten un de Minnerheitenpolitik in Düütschland

Wo lang dien Praktikum gahn schall, un woans dat nipp un nau utsüht, dat kannst du anseggen. Du kannst en Praktikum bi uns maken, wenn du noch na School geihst, wenn du studeerst oder richtig arbeiden wullt. Wi snackt dat mit di af.

Wenn du geern en Praktikum bi uns maken wullt, stüer uns dien Ünnerlagen to: info(at)minderheitensekretariat.de

Hest du noch Fragen? Denn mell di bi uns: Kontakt

Wi freit uns op di!

Herzlich willkommen! Moin! Wutrobnje witajće! Hjertlig velkommen! Latscho Diewes! Witajśo k nam! Hartlik wäljkiimen!

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

15.12.2018

Land Brandenburg unterstützt erstmals sorbische/wendische Bildungsangebote in Kitas

Mehr erfahren

14.12.2018

Gedenkstunde im Bundesrat: Bund-Länder-Vereinbarung zum dauerhaften Erhalt der Grabstätten NS-verfolgter Sinti und Roma heute im Bundesrat unterzeichnet

Mehr erfahren