Di Sentråålrädj Tjüsche Sinti än Rom

Di Sentråålrädj Tjüsche Sinti än Roma wörd önj e Februar 1982 gründläid än as di äinständi tåågeforiining foon 17 loonsforiininge. Hi as jü bürgerruchtlik än politisch inträsefertreesing foon da tjüsche Sinti än Roma än heet san sat önj Heidelberg. Di sentråålrädj seet ham deerfor in, dåt da Sinti än Roma likberuchtid önj e seelschap mamååge än for jare schööl än stipe as nasjonååle manerhäid.

As diilj foon sin bürgerruchtlik uugen stoont hi fort amseeten foon e „roomeoueriinjkaamen for di schööl foon nasjonååle manerhäide” aw nasjonååle schuchte än as deerfor e hiilje tid önj e dialoog ma bundes- än loonsregiiringe. For da tjüsche Sinti än Roma heet di Sentråålrädj önj e Moi 1995 döörseet, dåt ja as nasjonååle manerhäid ruchtlik önjerkånd wörden. For dåt Romanes önj Tjüschlönj heet hi et schååft, dat et as manerhäidespräke eefter e europäisch Charta foon e regjonåål- än manerhäidespräke foon e Europarädj önjerkånd wörd. Hi stipet meetinge foon da, wat di Holocaust ouerlaawed hääwe; seet ham for di schööl foon da greewt foon Sinti än Roma in, wat foon da nazis ferfüüljid wörden, än stoont ääder da räise tu histoorische iirenmååle önj Tjüschlönj än bütefor.

Aw internasjonååle schuchte fertreeset di sentråålrädj räigelmääsi da inträse aw meetinge foon e EU, e Europarädj än e OSZE än as lasmoot önj maning nasjonååle än internasjonååle manerhäideforiininge.

> tu e inesid foon di Sentråålrädj Tjüsche Sinti än Roma
> Mör ouer da tjüsche Sinti än Roma

Önj di manerhäiderädj sate Romani Rose, Herbert Heuss än Jara Kehl.

lasmoote önj Manerhäiderädj

Romani Rose (*1946)

Formoon foon di sentråålrädj Tjüsche Sinti än Roma
• bit 1982 kriimer ma en äinen bedriw
• bürgerruchtsaktiwist
• sunt 1982 formoon foon di Sentråålrädj Tjüsche Sinti än Roma

Wat hi deet än weerfor hi ham inseet:
• sunt 1991 geschäftsfäärer foon dåt dokuumentasjoons- än kultuursäntrum foon tjüsche Sinti än Rom önj Heidelberg
• lasmoot foont direktorium foon di önj 1988 önj Tokio gründläide internasjoonååle beweeging iinj diskriminiiring än rasismus (IMADR)
• önj e moi 1995 heet Rose önjt tuhuupeuugen ma lasmootforiininge foon e Sentråålrädj döörseet, dåt da tjüsche Sinti än Roma as äine manerhäid önj Tjsüchlönj ma jare äine manerhäidespräke önjerkånd än stipet wörden, ferbünen mat müülj, önjt laawen banefor e seelschap än e politiik diiljtunaamen
• as füli foon sin internasjonåål uugen wörd Rose di 29. moi 2006 di jarste ferträäser foon da Sinti än Roma foon e poolsch regiierung as lasmoot foon e internasjoonåål Auschwitz-rädj benåmd.
• lasmoot foon e bairädj foon e antidiskriminiirungssstää (ADS) foon di bund än foon da kuratorien foon e kulturstifting foon di Tjüsche födjbålbund (DFB) än e Manfred-Lautenschläger-Stifting

Jara Kehl (*1976)

poliitisch referänt bai e Sentråålrädj Tjüsche Sinti än Roma
• politiikwaasenschapsmoon

Wat ju deet än weerfor ju ham inseet:
•    bai e Freien Universität Berlin politiik lääsen
•    Deereefter for ünlike migrante-seelewheelp-floose önj Berlin årbet
•    u.a. ü wus t. b. liidjer foont projäkt „bridge” (Berliner Netzwerke für Bleiberecht) wat e „Kurdistan Kultur und Hilfsverein e.V.“ dräägen heet
•    Sunt 2011 poliitisch referänt bai e Sentråålrädj Tjüsche Sinti än Roma önj Heidelberg. Deer as jü tustandi, dåt inisjatiiwe tu e manerhäidepolitiik önj e gung än tu stuks kaame, wat da tjüsche Sinti än Roma as nasjonååle manerhäid önjerkåne, stipe än schööle wan.