Manerheedekontoor

Ruchtlike grün

Wat for gremiie for manerhäidefrååge jeeft et?

Awwåårster foon e bundesregiiring for ütsiidlerfrååge än nasjonååle manerhäide

Dåt åmt foon di awwåårster foon e bundesregiiring for ütsiidlerfrååge än nasjonååle manerhäide wörd 1988 inruchted än tu et bundesministerium for bane dänj. 2002 wörd dåt åmt uk nuch frååge tu da nasjonååle manerhäide hantuseet. Sunt di 11.04.2018 Dr. Bernd Fabritius önjt åmt. 

Mör informasjoone

Rädjjeewene ütschuse

Bait bundesministerium for bane san rädjjeewene ütschuse for frååge foon e dånsch manerhäid, dåt sorbisch följk, for e frasche följksfloose, for da tjüsche Sinti än Roma än for e plååttjüsch spräkefloose. Da ütschuse seekere, dåt da manerhäide önj kontakt ma e bundesregiiring än di tjüsche Bundesdäi hääwe. Formoon önj da fiiw ütschuse as di awwåårster foon e bundesregiiring for ütsiidlerfrååge än nasjonååle manerhäide. Et manerhäidesekretarioot as önj da rädjjeewene ütschuse arks tooch as geest deerbai. Da ütschuse seete jam tuhuupe eefter da räigle, wat jam jam seelew doue.

Rädjjeewene ütschus for frouge foon e dånsch manerhäid

Di rädjjeewene ütschus heet e apgoowe, ouer åål da keere önj e bundesbanepolitiik tu snååken, wat e dånsch manerhäid önjgunge. Di ütschus schal deerfor sörje, dåt e dånsch manerhäid kontakt ma e bundesregiiring än di bundesdäi fäit.

Lasmoote san di bundesminister for bane än en stootssekretäär foont bundesministerium for bane, twäär lasmoote foon arks fraksjoon foon e bundesdäi, tra lasmoote foon e dånsch manerhäid önj Tjüschlönj än as ferträäser foont lönj Slaswik-Holstiinj e awwåårstwüset for manerhäide. Formoon foon di ütschus as di awwåårster foon e bundesregiiring for ütsiidlerfrååge än nasjonååle manerhäide.

Rädjjeewene ütschus for frååge foon e frasche följksfloose

Di rädjjeewene ütschus heet e apgoowe, ouer åål da keere önj e bundesbanepolitiik tu snååken, wat e frasche följksfloose önjgungt.

Önj di ütschus as ån ferträäser foon e Frasche Rädj, foon e Friisk Foriining, foon e Nordfriesische Verein, foon e Seelter Buund än e direkter foont Nordfriisk Inistituut. Deer san nuch ferträäsere foont bundesministerium for bane än da regiiringe foon Needersaksen än Slaswik-Holstiinj bane. bundesdäimååns än ferträäsere foon oudere bundesministerie koone tu da meetinge lååsid wårde. Formoon foon di ütschus as di awwåårster foon e bundesregiiring for ütsiidlerfrååge än nasjonååle manerhäide.

Rädjjeewene ütschus for frååge foont sorbisch följk

Di rädjjeewene ütschus heet e apgoowe, ouer åål da keere önj e bundesbanepolitiik tu snååken, wat dåt sorbisch följk önjgunge.

Önj e ütschus san tra sorbe, wat e Domowiina ütseecht, ån ferträäser foon e stifting fort sorbisch följk, än ferträäsere foont bundesministerium for bane än da regiiringe foon Brandenborj än Saksen. Bundesdäimååns än ferträäsere foon oudere bundesministerien koone tu da meetinge lååsid wårde. Formoon foon di ütschus as di awwåårster foon e bundesregiiring for ütsiidlerfrååge än nasjonååle manerhäide.

Rädjeewende ütschus for frååge foon da tjüsche Sinti än Roma

Di rädjjeewene ütschus heet e apgoowe, ouer åål da keere önj e bundesbanepolitiik tu snååken, wat da tjüsche Sinti än Roma önjgunge.

Önj e ütschus san twäär ferträäsere foon e Sentråålrädj tjüsche Sinti än Roma, twäär ferträäsere foon e Sinti Allianz e.V., ån ferträäser foon e manerhäidekontoor än nuch ferträäsere foont bundesministerium for bane, di awwåårster foon e bundesregiiring for kultuur än medie än da regiiringe foon da lönje. Bundesdäimååns än ferträäsere foon oudere bundesministerie koone tu da meetinge lååsid wårde. Formoon foon di ütschus as di awwåårster foon e bundesregiiring for ütsiidlerfrååge än nasjonååle manerhäide. Dåt jarst meeting wus di 18. marts 2015.

Rädjjeewene ütschus for frååge for da plååttjüsche spräkefloose

Di rädjjeewene ütschus heet e apgoowe, ouer åål da keere önj e bundesbanepolitiik tu snååken, wat e plååttjüsch spräkefloose önjgunge.

Tu di ütschüs hiire fjouer ferträäsere foon di Bundesrädj for Plååttjüsch (Bundesraat för Nedderdüütsch). Deertu kaame ferträäsere foont bundesministerium for bane än da lönje Bremen, Brandenborj, Hamborj, Mecklenborj-Vorpommern, Needersaksen, Nordrhein-Westfalen, Saksen-Anhalt än Slaswik-Holstiinj. Bundesdäimååns än ferträäsere foon oudere bundesministerie koone tu da meetinge lååsid wårde. Formoon foon di ütschus as di awwåårster foon e bundesregiiring for ütsiidlerfrååge än nasjonååle manerhäide. 

Bund-Lönje-meetinge ma da manerhäide tu dåt roomeoueriinjkaamen for e schööl foon nasjonååle manerhäide  än e Europäisch Spräkecharta (implementiiringsmeeting)

Teeme foon e (implementiirings)meeting san, hü huum dåt roomeoueriinjkaamen for e schööl foon nasjonååle manerhäide foon di 1. februar 1995 än di Europäisch Charta foon e regjonåål- än manerhäidespräke foon e Europarädj foon di  5. önj e november 1992 amseet. Diiljnaamere san da bundesministerie, wat ma di manerhäideschööl än da manerhäide- än regjonåålspräke amgunge, än da tustandie åmte bai da lönje, ferträäsere foon tåågeforiininge än spräkefloose än jarnge waasenschaplike inruchtinge.

Lönje-Bund-referentemeetinge Plååttjüsch

Sunt 2007 drååwe jam iinjtooch önjt iir ferträäsere foon da lönje Bremen, Brandenborj, Hamborj, Mecklenborj-Vorpommern,  Needersaksen, Nordrhein-Westfalen, Saksen-Anhalt, Slaswik-Holstiinj än di Bund tuhuupe ma di Bundesrädj for Plååttjüsch/ Bundesraat för Nedderdüütsch, wat jam tu e frååge, hü huum e plååttjüsch spräke spriidje än erhüülje koon, ütprunge.

Snååkkris nasjonååle manerhäide bai e tjüsche bundesdäi

Önj di snååkkris berädje jam ma stipe foon di formoon foon di baneütschüs hu tunge önjt iir bundesdäismååns ma da ferträäsere foon da tåågeforiininge foon da nasjonååle manerhäide.

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

18.03.2019

Call for Papers: Sammelband "Funktionen der deutschen Nation"

Mehr erfahren

14.03.2019

Slowakischer Präsident Andrej Kiska erhält am 19. März 2019 in Brüssel den Europäischen Bürgerrechtspreis der Sinti und Roma

Mehr erfahren