Mjeńšinowy sekretariat

Koho zastupujemy?

Němscy Sintojo a Romojo

Sintojo a Romojo su hižo lětstotki w Europje žiwi. W swojich domjacych krajach tworja woni historisce zrosćene mjeńšiny, kiž so sami Sintojo abo Romojo mjenuja, při čimž rěkaja w zapadnej a srjedźnej Europje bydlacy přisłušnicy mjeńšiny Sintojo, ći z južnowuchodoeuropskim pochadom pak Romojo. Zwonka němskeho rěčneho ruma so Roma jako mjeno za cyłu mjeńšinu wužiwa.

W Němskej su Sintojo a Romojo hižo 600 lět doma. Prěnjotnje naspomnichu so dokumentarisce 1407 w biskopskim měsće Hildesheim. Po trochowanjach bydla dźensa w Němskej něhdźe 60.000 němskich Sintow a něhdźe 10.000 němskich Romow. Nimo němčiny rěča woni jako druhu maćernu rěč mjeńšinowu rěč romowšćinu (romanes). Němscy Sintojo a Romojo su po cyłym zwjazkowym teritoriju žiwi.

Za čas nacionalsocialistiskeho namócneho knjejstwa běchu Sintojo a Romojo přesćěhanju a genocidej wustajeni – w Němskej, we wot Němcow wobsadźenych teritorijach a w zwjazkarskich statach Hitlera. Něhdźe 500.000 Sintow a Romow sta so z woporom rasoweho błuda a sytematisce planowaneho genocida. Jich kulturne herbstwo so z wulkeho dźěla zniči.

Přisłušnicy němskich Sintow a Romow organizowachu so za zastupnistwo swojich zajimow a za sylnjenje swojeje kultury w rozdźělnych towarstwach – kaž w Centralnej radźe Němskich Sintow a Romow z.t.


Dnja 17. měrca 1982 přijimowaše tehdyši zwjazkowy kancler Helmut Schmidt delegaciju Centralneje rady Němskich Sintow a Romow a připózna genocid na Sintach a Romach z přičin tak mjenowaneje „rasy“ na narodoprawnisce zwjazowace wašnje.


Dnja 24. oktobra 2012 so wot Danija Karavana naćisnjeny pomnik za w nacionalsocializmje zamordowanych Sintow a Romow Europy wot zwjazkoweho knježerstwa w přitomnosći wjace hač 100 přežiwjencow holocausta swjatočnje poswjeći a zjawnosći přepoda.


Kóžde druhe lěto spožča Dokumentaciske a kulturne srjedźišćo Němskich Sintow a Romow wot Załožby Manfreda Lautenschlägera spěchowane Europske staćanskoprawniske myto Sintow a Romow. Tule spožčenje myta dnja 3. apryla 2012 Thomasej Hammarbergej a nošerjej wosebiteho myta Georgej Lacatusej.


Młodźi Sintojo-wukubłancy před Dokumentaciskim a kulturnym srjedźišćom Němskich Sintow a Romow w Heidelbergu.


Powědarska kofejownja „Paramissa“: Němski Sinto Reinhold Lagrene při čitanju powědkow z bohatych tradicijow němskich Sintow a Romow.


Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

18.12.2018

Fröhliche Weihnachten und ein gesundes neues Jahr!

Mehr erfahren

17.12.2018

Europäische Studenten der nationalen Minderheiten sind 2020 an eine dänische Højskole in der deutsch-dänischen Grenzregion eingeladen

Mehr erfahren