Mjeńšinowy sekretariat

Prawniske zakłady

Powšitkowny zakoń jenakeho wobchadźenja (AGG)

Dnja 18. awgusta 2006 naby Powšitkowny zakoń jenakeho wobchadźenja (AGG) płaćiwosće (wobchadnorěčnje tež zakoń wo antidiskriminaciji mjenowany). Wón přesadźi štyri europske antidiskriminaciske směrnicy z lět 2000 do 2004 do němskeho prawa.

Zaměr AGG je, rasistiskim diskriminowanjam abo wonym, kotrež su so dla etniskeho pochada, splaha, nabožiny abo swětonahlada, dla někajkeho zbrašenja, staroby abo seksuelneje identity wotměli, zadźěwać abo wotstronić (§ 1 AGG). AGG rjaduje žadanja a prawniske sćěhi při diskriminowanjach za powołanske žiwjenje kaž tež za ciwilne prawo.

Po nabyću płaćiwosće zakonja zarjadowa so 2006 Zwjazkowa instanca za antidiskriminaciju (ADS). Je to njewotwisna instanca, na kotruž móžeja so ludźo wobroćić, kotřiž su wot diskriminacije potrjecheni. ADS a jeje nadawki su w tutym "Zakonju wo antidiskriminaciji" zapisane a wotpowěduja směrnicam EU wo jenakim wobchadźenju. Kóždy čłowjek móže so na ADS wobroćić a so poradźować dać, hdyž je so wón/wona diskriminował/a a pomoc trjeba.

ADS ma přiradu ze zastupjerkami a zastupjerjemi towaršnostnych skupinow a organizacijow kaž tež z ekspertkami a ekspertami za prašenja wróćostajenja. Jeje nadawk je, ADS při předpołoženju rozprawow a doporučenjow Němskemu zwjazkowemu sejmej poradźować a móže k tutym kaž tež k wědomostnym přepytowanjam swoje namjety přednjesć. Mjez druhimi bu jako čłon přirady Romani Rose, předsyda Centralneje rady Němskich Sintow a Romow, powołany. Jeho zastupuje Judit Šołćina, wjednica Mjeńšinoweho sekretariata štyrjoch awtochtonych narodnych mjeńšinow a ludowych skupin Němskeje.

Rozšěrjenje a znazornjenje Powšitkowneho zakonja jenakeho wobchadźenja (AGG) kaž tež posrědkowanje wědy wo dźěle Zwjazkoweje instancy za antidiskriminaciju (ADS) je wažny nadawk wšěch akterow. We wobłuku diskriminacije awtochtonych narodnych mjeńšinow Němskeje je to tež jedne z ćežišćow dźěła Mjeńšinoweho sekretariata.

Dalše informacije:

Powšitkowny zakoń jenakeho wobchadźenja online

Wjace informacijow k zakonjej na stronach Zwjazkoweje instancy za antidiskriminaciju (ADS)

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

23.05.2019

Dänisches Jahrestreffen "Årsmøde" beginnt morgen

Mehr erfahren

23.05.2019

Stiftung für das sorbische Volk wählt Vorsitzende

Mehr erfahren