Minnerheitensekretariat

Rechtliche Grundlagen

Dat Düütsche Grundgesetz, Artikel 3, Afsatz 3, Satz 1

Dat Düütsche Grundgesetz seggt, dat is nich rechtens, wenn een, op wat för en Oort ok ümmer, wegen sien Spraak, sien Heimat oder vun wat för’n Lüüd he afstammt, diskrimineert warrt (Art. 3, Afs. 3, S. 1 Grundgesetz). Dat gellt för den Gesetzgever, man ok för de Verwaltung överall in’n Staat un de Gerichten. En Artikel över de Minnerheiten gifft dat bet nu nich in dat Düütsche Grundgesetz. Man de Minnerheitenraat maakt sik siet enige Johren dorför stark, dat en Minnerheitenartikel in dat Grundgesetz opnahmen warrt.

Anner Bunnsrecht: Bunnswahlrecht un Parteienrecht

Ok in dat Bunnswahl- un in dat Parteiengesetz steiht wat binnen, woans natschonale Minnerheiten schützt un fördert warrn schüllt.

De Fief-Perzent-Klausel – dor is regelt, dat bi Wahlen to den Bunnsdag blots de Parteien in’t Parlament rinkaamt, de tominnst fief Perzent vun de Tweetstimmen kregen oder in nich weniger as dree Wahlkreisen de Direktwahl wunnen hebbt – gellt nich för de Parteien vun de natschonalen Minnerheiten(§ 6 Afs. 3 S.2 Bunnswahlgesetz). In’t Bunnswahlgesetz staht ok Extra-Regeln för de Vörslääg op Kreisebene un ok för de Lannslisten (§ 20 Afs. 2 S. 3, § 27 Afs. 1 S. 4).

Dat Parteiengesetz vun den Bund stellt för de Parteien vun de natschonalen Minnerheiten Regeln op, de günstiger utfallt as bi anner Parteien; dat gellt för Geld vun den Staat jüst so as för Spennengeld ut dat Butenland (§ 18 Afs. 3 un 4, § 25 Afs. 2 S. 1 Nr. 3b Parteiengesetz).

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!

21.01.2019

Digitales Archiv der Sinti und Roma veröffentlicht

Mehr erfahren

19.01.2019

70 lět oficialnego statkowanja Domowiny w kraju Bramborska / 70 Jahre offizielles Wirken der Domowina im Land Brandenburg

Mehr erfahren