Menu
De Zentraalraat vun de Düütschen Sinti un Roma hett sik in’n Februar 1982 grünnt. As Dackverband vun 17 Lannsverbänn hangt he vun keen un nix af. Bi de Börgerrechten un in de Politik steiht he in för de Düütschen Sinti un Roma. Tohuus is de Verband in Heidelberg. De Zentraalraat sett sik dorför in, dat de Sinti un Roma desülvigen Rechten in de Politik un in de Gesellschaft hebbt as all de annern Gruppen ok. Un he verlangt: As natschonale Minnerheit mööt de Sinti un Roma Schutz kriegen un ünnerstütt warrn.
In sien Arbeit för de Börgerrechten hett he to doon mit dat „Rahmenübereinkommen zum Schutz nationaler Minderheiten“ un mit de Fraag, woans dat in Düütschland ümsett warrt. Dorför höllt de Zentraalraat de ganze Tiet Kuntakt mit de Bunns- un Lannsregeren. För de Düütschen Sinti un Roma hett de Zentraalraat in’n Mai 1995 dörsett, dat de Sinti un Roma na dat Gesett as natschonale Minnerheit gellt. För dat düütsche Romanes hett he dat schafft, de Spraak as Minnerheitenspraak na de Europääsch Charta vun de Regional- oder Minnerheitspraken vun den Europaraat dörtosetten. He hölpt mit, dat Minschen, de den Holocaust överleevt hebbt, sik drepen köönt, sett sik dor för in, dat Graffsteden vun Sinti un Roma, de in de NS-Tiet verfolgt worrn sünd, pleegt warrt un he organiseert Touren na histoorsche Gedenksteden in’t Binnen- un Butenland. Internatschonal steiht de Zentraalraat för de Sinti un Roma in, wenn de EU, de Europaraat un de OSZE Kunferenzen to dat Thema maakt,
un he is bi en ganze Reeg Minnerheitenorganisatschonen mit bi.
> Hen na de Homepage vun den Zentralraat vun de Düütschen Sinti un Roma
> Mehr över de Düütschen Sinti un Roma
In den Minnerheitenraat sitt Romani Rose, Herbert Heuss un Jara Kehl
Vörsitter vun den Zentraalraat vun de Düütschen Sinti un Roma
• bet 1982 Koopmann mit egen Geschäft
• Aktivist för Börgerrechten
• vun 1982 op an Vörsitter vun den Zentraalraat vun de Düütschen Sinti un Roma
Sien Weg in Profeschoon un sien Arbeit för de Gesellschaft:
• siet 1991 Geschäftsföhrer vun dat Dokumentatschoons- un Kulturzentrum vun de düütschen Sinti un Roma in Heidelberg
• Liddmaat in dat Direktorium vun de Internatschonale Bewegung gegen Diskrimineren un Rassismus (IMADR), de 1988 in Tokio grünnt worrn is
• In’n Mai 1995 hett Rose tohoop mit de Verenen vun den Zentraalraat dat schafft, dat de Düütschen Sinti un Roma as natschonale Minnerheit in Düütschland mit en egen Spraak anerkennt warrt un Stütt kriegt; se schüllt desülvigen Rechten hebben in de Gesellschaft un de Politik as all de annern Gruppen ok.
• Vunwegen sien internatschonal Wark hett de Regeren vun Polen Rose an’n 29. Mai 2006 as eerste Vertreder vun de Sinti un Roma to en Liddmaat maakt vun den Internatschonalen Auschwitz-Raat
• Liddmaat vun den Biraat vun de Antidiskriminerenssteed (ADS) vun den Bund, vun de Kuratorien bi de Kulturstiften vun den Düütschen Footballbund (DFB) un vun de Manfred-Lautenschläger-Stiften.
Wetenschoplich Leid vun den Zentraalraat vun de Düütschen Sinti un Roma
• Politikwetenschopler
Sien Weg in Profeschoon un sien Arbeit för de Gesellschaft:
• Studium vun de Politikwetenschoppen an de Fre‘e Universität in Berlin.
• Warken för verscheden Organisatschonen in Berlin, wo Migranten sülvst wat regelt.
• u.a. Ünner annern dat Leid vun en Deelprojekt „bridge“ – Berliner Nettwarken för dat Recht to’n Blieven, ansiedelt bi den Kurdistan Kultur- un Hölpsvereen i.V.
• Siet 2011 Politsche Referentin bi den Zentralraat vun de Düütschen Sinti un Roma in Heidelberg un dor konzipeert un föhrt se Initiativen för de Minnerheitenpolitik dör, dat de düütschen Sinti un Roma as natschonale Minnerheit Anerkennen kriegt, föddert warrt un Schutz hebbt.