Warken un Opgaven

Een vun de der wichtigsten Arbeitsfeller vun dat Minnerheitensekretariat tosamen mit den Minnerheitenraat: Se staht in för de Intressen vun de autochthonen natschonalen Minnerheiten un Volksgruppen in Düütschland. Dorto höört, dat se sik positschoneert un dat se Weten wiedergeevt över de Weerten un Rechten vun de Minnerheiten gegenöver natschonale un internatschonale politsche Organen un Gremien. Besünners geiht dat üm den Opbo un de Pleeg vun Nettwarken in Politik, Verbänn, Wetenschop un Medien.

Dat Minnerheitensekretariat steiht för den Minnerheitenraat in un för de enkelten Minnerheiten as Anspreekpartner för Verwalten, Organisatschoon, Presselüüd, Wetenschoplers un intresseerte Lüüd, wenn dat üm Fragen to de natschonalen Minnerheiten in Düütschland geiht. Wieder kümmert sik dat üm Kuntakten na buten un üm de Lobbyarbeit.

Dat de Informatschonen över aktuelle Themen vun de autochthonen Minnerheiten, de jüst besünners wichtig sünd, passlich un to rechter Tiet lopen doot, steiht dorbi för dat Minnerheitensekretariat ganz vörn an. Un denn nimmt dat Minnerheitensekretariat an Sitten vun Utschüssen un Gremien deel ( t.B.: Gesprääkskring Natschonale Minnerheiten bi den Binnenutschuss vun’n Düütschen Bunnsdag, Beraden Utschüss vun de Minnerheiten bi’t Bunnsbinnen- un Heimatministerium). Dat besöcht wichtige Veranstaltens un arbeidt vör, wenn de Minnerheitenraat mit Lüüd vun’n Düütschen Bunnsdag, vun de Bunnsregeren oder mit anner minnerheitenpolitsche Intressenten snacken will.

Dat Minnerheitensekretariat övernimmt dorbi düsse Opgaven un Funkschonen:

• Wi bringt de Verbänn un de anerkennten Minnerheiten tohoop mit de amtlichen Steden vun den Bund: Bunnsdag, Bunnsregeren un Bunnsraat. bi de Minnerheiten en Rull speelt. Wi kiekt op de Parlamenten bi’n Bund un in den sien Utschüss, wenn dat üm Saken un Fragen geiht,
  bi de Minnerheiten en Rull speelt. en Rull speelt.

• Wi hebbt Kuntakt mit Lüüd ut de Utschüss vun’n Bunnsdag, mit de Afordenten, mit de Frakschonen, mit de Regeren un mit Ministerien. Un wi verkloort jümmers, op wat de Minnerheiten daal wüllt.

• Wi staht in för de Anliggen vun de veer anerkennten Minnerheiten, wenn dat üm de Regeln geiht, mit de Gesetten ümsett warrt, un ok wenn een Ja seggen schall to en Andrag.

• Wi bringt för all de Organisatschonen vun de Minnerheiten tohoop to Papeer, wat se to enkelte Punkten seggt, un dor schrievt wi ok Gootachtens to.

• Wi informeert de Minschen, wenn dat üm de Politik, Spraak un Kultur vun de Minnerheiten geiht. De uns fraagt, kriggt wat to hören oder to lesen över de natschonalen Minnerheiten un de Minnerheitenpolitik in Düütschland.

• De uns fraagt, kriggt wat to hören oder to lesen över de natschonalen Minnerheiten un de Minnerheitenpolitik in Düütschland.

• Stellvertreden Liddmaat in den Biraat vun de Antidiskriminerenssteed vun den Bund (ADS),

• Vertreder vun de Organisatschonen vun de Minnerheiten an de „OSZE-Implementierungs-Konferenzen zur Menschlichen Dimension“,

• Anloopsteed för de Gremien bi den Europaraat, de en Oog op Minnerheitenpolitik hebbt.

• Opgaven as Geschäftssteed för den Minnerheitenraat vun de veer anerkennten autochthonen natschonalen Minnerheiten in Düütschland.
  

Minnerheitensekretär is opstunns Gösta Nissen.
Dat Minnerheitensekretariat sitt in de Bundesallee 216-218 in Berlin. De Düütsche Bunnsdag hett beslaten, dat dat Bunnsbinnenministerium (ok för Heimat tostännig) dat Sekretariatföddert.