Warken un Opgaven

De Minnerheitenraat sett sik tosamen ut Vertreders un Vertrederinnen vun Dackorganisatschonen vun de däänsche Minnerheit, de freesche Volksgrupp, de düütschen Sinti un Roma un de Lausitzer Sorben. He befaat sik mit Grundsatz-Fragen vun de veer Minnerheiten un sett sik dorför in, dat man jüm föddert un Schutz gifft. De Minnerheitenraat steiht ok in för de gemeensamen Intressen vun de veer Minnerheiten gegenöver Bunnsregeren, den Düütschen Bunnsdag un den Bunnsraat.

Man stimmt sik af twüschen de Minnerheiten un gifft en gemeensame Menen af bi aktuelle Themen, de bavenop liggt. Un denn staht noch düsse Arbeitsfeller in’n Middelpunkt:

• In’t Grundgesett vun de Bunnsrepublik Düütschland schall en Minnerheitenartikel för de veer anerkennten natschonalen Minnerheiten opnahmen warrn.

• He passt op, dat de Bund all sien Plichten inhöllt, de he mit dat Rahmenübereinkommen zum Schutz nationaler Minderheiten un de Europäische Charta der Regional- oder Minderheitensprachen

• He maakt mit, wenn en Vörslag för en Gesetz op den Weg bröcht warrt, dat för de Minnerheiten gellt. Un dor informeert he de Minschen över.

• Mit sien Politik in de Region will he dorför instahn, dat de Minnerheiten in jümehr Heimat nich ünnergaht.

• He deit dor allens för, dat de Bund ok in Tokunft Geld gifft för de Minnerheiten.

• He gifft Stütt, dat Spraak un Kultur vun de Minnerheiten lebennig blievt.

• As Middelsmann twüschen de Minnerheiten passt he op, dat jede Grupp weet, wat bi de anner Gruppen los is.