Wat we mååge än wat we schan

Fort manerhäidekantoor än e manerhäiderädj stönje da inträse foon da auchtotoone nasjonååle manerhäide än följksfloose gåns foorne. Deertu hiirt, dåt’s e nasjonåål än internasjonåål politiik, am da inträse, wjarde än ruchte foon da manerhäide informiire än dåt’s en neet tu e politiik, foriininge, waasenschap än meedie apbage än plääge.

Et manerhäidekantoor fertreet e manerhäiderädj än koon önjspreegen wårde foon e ferwålting, foriininge, meedie än inträsiirde manschne. Ja koone åles frååge, wat nasjonååle manerhäide önjgungt. Et kantoor mååget präse- än lobyårbe.

Fort manerhäidekantoor as et wichti än informiir räigelmääsi am aktuäle teeme foon da autochtoone manerhäide. Bai meetinge as dåt kantoor uk deerbai (t. b.: meetinge tu da nasjonååle manerhäide bai e for banerütschus foon e bundesdäi, rädjeewerütschüse foon da manerhäide bait bundesministerium for bane än hiimstoun), beseecht wichtie drååwen än stalt for meetinge foon e manerhäiderädj ma bundesdäimååns, e bundesregiiring än oudere stakeholder tu.

Et manerhäidekantoor ouernamt deerbai daheere apgoowe:

• Las foon da foriininge foon da önjerkånde manerhäide tu e bundesdäi, e bundesregiiring än e bundesrädj weese, for ålem schal
  et e parlamentaarisch årbe foon e bund än da ütschüse füülie ma lök aw åles, wat ma manerhäide än jare belånge tu douen heet,

• Kontakt tu da bundesdäisütschüse, bundesdäislasmoote, fraksjoone, e regiiring än e minister plääge än ja ferklååre, weerfor da fjouer önjerkånde manerhäide stönje

• Wäärnaamen foon e inträse foon da fjouer önjerkånde manerhäide, wan et amt amseeten foon gesätse unti giilj stipe gungt,

• Schriwen foon beuurdiilinge, wat da manerhäideforiininge tuhuupe oufdoue,

• Wiirwing tu åles, wat ma manerhäidepoolitik, -spräke, kultur tu douen heet, än weer et am beschiis ouer da nasjonååle manerhäide än manerhäidepolitiik gungt,

• Da manerhäideforiininge önj nasjonååle än internasjonååle greemie tu fertreesen, uner ouderem,

• stalferträäser-lasmoot önj di bairädj foon e „Antidiskriminierungsstelle des Bundes“ (ADS)

• ferträäser for e manerhäideforiininge bai e „OSZE-lmplementierungs-meetinge tu manschlik diimensjoon“

• kontakt for e manerhäidepolitische kontrulgreemie foon e Europa-rädj,

• • Sekretarioot for di manerhäiderädj for da manerhäide foon da fjouer önjerkånde, autochtoone nasjonååle manerhäide önj Tjüschlönj.
  

Tutids as e manerhäide-geschäftsfäärer Gösta Nissen.
Et manerhäidekantoor as önj Berlin, Bundesallee 216-218. Dåt kantoor wårt stiped foont bundesministerium for  bane än hiimstoun, ourdåt di bundesdäi dåt sü beslin heet.