Dźěławosć a nadawki

Mjeńšinowa rada wobsteji ze zastupjerjow/zastupjerkow třěšnych organizacijow danskeje mjeńšiny, friziskeje ludoweje skupiny, němskich Sintow a Romow a łužiskich Serbow. Wona zaběra so ze zasadnymi prašenjemi štyrjoch mjeńšinow a zasadźuje so za jich spěchowanje a škit. Mjeńšinowa rada zastupuje tež zhromadne zajimy wšitkich štyrjoch mjeńšinow napřećo Zwjazkowemu knježerstwu, Němskemu zwjazkowemu sejmej a Zwjazkowej radźe.

Nimo wothłosowanja mjez mjeńšinami a zhromadnymi stejišćami k aktualnym temowym ćežišćam steja wosebje slědowace dźěłowe wobłuki w srjedźišću dźěławosće:

přiwzaće mjeńšinoweho artikla za štyri připóznate narodne mjeńšiny do zakładneho zakonja Zwjazkoweje republiki Němska, wobjednawanje a dohladowanje zawjazanja Zwjazka nastupajo europske,
wobjednawanje a dohladowanje zawjazanja Zwjazka nastupajo europske Ramikowe dojednanje za škit narodnych mjeńšinow a Europsku chartu regionalnych abo mjeńšinowych rěčow,
informacija wo a wobdźělenje na zakonskich iniciatiwach Zwjazkoweho sejma z mjeńšinowopolitiskim poćahom,
aktiwna regionalna politika, kotraž zawěsća dalewobstaće mjeńšinow w jich domiznje,
zawěsćenje a wobkrućenje financielneho spěchowanja mjeńšinow přez Zwjazk,
pěstowanje a dalewuwiće rěče a kultury mjeńšinow a
spěchowanje wuměny informacijow mjez mjeńšinami w srjedźišću.

Mjeńšinowej radźe přisłušeja předsydka kaž tež dwaj dalšej zastupjerjej slědowacych třěšnych organizacijow štyrjoch awtochtonych narodnych mjeńšinow a ludowych skupinow Němskeje:

Sydslesvigsk Forening (SSF), Južnoschleswigski wolerski zwjazk (SSW)
Centralna rada Němskich Sintow und Romow
Domowina – Zwjazk Łužiskich Serbow z.t. – Zwězk Łužyskich Serbow z.t.
Frasche Rädj/Friziska rada, sekcija sewjer, Seelter Buund

Předsydstwo Mjeńšinoweje rady je po rotaciskim principje rjadowane, při čimž kóžda mjeńšinowa organizacija swojeho předsydu za jedne lěto staja. Aktualne předsydstwo mjeńšinoweje rady je Dawid Statnik, předsyda Domowiny – Zwjazka Łužiskich Serbow z. t.
Zhromadne prawidłowne wuradźowanja Mjeńšinoweje rady so znajmjeńša dwójce wob lěto přewjeduja.

Mjeńšinowy sekretariat w Berlinje podpěruje dźěło Mjeńšinoweje rady wobsahowje a organizatorisce.

Dźěławosć a nadawki

přiwzaće mjeńšinoweho artikla za štyri připóznate narodne mjeńšiny do zakładneho zakonja Zwjazkoweje republiki Němska, wobjednawanje a dohladowanje zawjazanja Zwjazka nastupajo europske,

wobjednawanje a dohladowanje zawjazanja Zwjazka nastupajo europske Ramikowe dojednanje za škit narodnych mjeńšinow a Europsku chartu regionalnych abo mjeńšinowych rěčow,

informacija wo a wobdźělenje na zakonskich iniciatiwach Zwjazkoweho sejma z mjeńšinowopolitiskim poćahom,

aktiwna regionalna politika, kotraž zawěsća dalewobstaće mjeńšinow w jich domiznje,

zawěsćenje a wobkrućenje financielneho spěchowanja mjeńšinow přez Zwjazk,

pěstowanje a dalewuwiće rěče a kultury mjeńšinow a

spěchowanje wuměny informacijow mjez mjeńšinami w srjedźišću.

Sydslesvigsk Forening (SSF), Južnoschleswigski wolerski zwjazk (SSW)

Centralna rada Němskich Sintow und Romow

Domowina – Zwjazk Łužiskich Serbow z.t. – Zwězk Łužyskich Serbow z.t.

Frasche Rädj/Friziska rada, sekcija sewjer, Seelter Buund