Wat hi deet än wat hi schal

E manerhäiderädj bestoont üt ferträäsere foon da tåågeforiininge foon e dånsch manerhäid, e frasch följksfloose, da tjüsche sinti än roma än da lausitser sorbe. Hi befootet ham ma da frååge foon da fjouer manerhäide än seet deerfor ham in, dåt’s stiped än schööld wårde. Di manerhäiderädj fertreet da gemiinoome inträse foon da fjouer manerhäide ouerfor e bundesregiiring, e bundesdäi än e bundesrädj.

E manerhäiderädj stimt da kääre twasche da manerhäide ouf än schraft gemiinsome takste tu aktuäle teeme; deerbai stönje daheere apgoowe gåns foorne:

• dåt en manerhäideartiikel for da fjouer önjerkånde manerhäide in önjt Grundgesetz for Tjüschlönj kamt,

• dåt huum deeram snååkt än wååret, weertu di bund ham for dåt europäisch roomeoueriinjkaamen for di schööl foon nasjonååle manerhäide än jü europäisch charta foon da regjonåål än manerhäidespräke ferplaachted heet,

• dåt di rädj beschiis deet ouer naie gesätse foon e bundesdäi, weer dåt am manerhäide gungt, än deerbai mamååget,

• en aktraktiif regjonåålpolitiik, wat deerfor sörjit, dåt da manerhäide widre önj jare hiimstoun laawe koone,

• dåt e finansjel stipe foon di bund for da manerhäide sääkerd än stääwid wårt,

• dåt e spräke än kultuur foon da manerhäide plääged wårt än graie koon än

• heelpe, dåt da manerhäide foon enouder åles tu waasen foue.