Apjääften

In n Minderhaidenräid sitte Ljude fon do grote Buunde fon ju deenske Minderhaid, dän fräiske Foulkstrupel, do düütske Sinti un Roma un do Sorben inne Lausitz. Die Räid befoatet sik mäd wichtige Froagen fon do fjauer Minderhaiden un wol him fouthälpe un Sküül reke. Uk kumt ‘r foar him ap bie ju düütske Regierenge, bie n Buundesdai un bie n Buundesräid.

Die Minderhaidenräid lät do Minderhaiden mädnunner uur Sweerpunkte bale, dät jo sik uur wichtige Seken eens wäide konnen. Färe strieuwet die Räid ätter:

• n Artikel uur do fjauer anërkoande nationoale Minderhaiden in de düütske Gruundwät,

• et Skaujen fon ju düütske Poltiek, weer et uum do Plichten gungt, do mäd dät europäiske Rahmenübereinkommen zum Schutz nationaler Minderheiten un mäd ju europäiske Charta der Regional- und Minderheitensprachen tou dwoon häbe,

• et Informierjen uur un et Stöänen fon näie Wätte uur Minderhaidenpolitiek,

• ne aktieve regionoale Politiek, ju deerfoar ienstoant, dät do Minderhaiden foar hiere Heemloundere beheelden blieuwe,

• et Sicherjen fon genoug Jäild fon ju düütske Regierenge foar do Minderhaiden,

• et Stöänen un Fouthälpen fon ju Toal un ju Kultuur fon do Minerhaiden un

• et Informierjen fon do Minderhaiden uur wät aal so lopt.