Huum taksiirt, dåt e sorbisch nasjoon üt ambai 60.000 manschne bestoont. Da sorbe laawe bloots önj Tjüschlönj: önj e Boowerlausits (Fristoot Saksen) as boowersorbe än önj e Neederlausits (Lönj Brandenborj) as needersorbe/wende.

Dåt följk foon da sorbe as üt slaawische ståme önjtstiinjen, wat nordååstlik foon e Kaparte tuhüs wjarn. Ja kömen ambai 1.500 iir sunt önj e regjoon twasche Ååstsiie än da bärje foon Saksen/Böömen. Önj e Lausits köön da sorbe jare kultuur ouer da iirhunerte diilwis bewååre än ütwikle – unerbräägen uner ouderem döör e politiik foon da nazis. Et jeeft tou sorbische spräke: boowersorbisch än needersorbisch/wendisch, wat bit diling önj maning famiilie än önj e warkeldäi snååked wårt. Duch for ålem dåt needersorbisch/wendisch köö ütstärwe.

Önj Brandenborj säit huum „sorbe“, ouers uk di ålere noome „wende“. Di noome gungt tubääg aw röömische historiikere, wat da ståme önjt ååsten, wat’s ai kånden, as „veneti“ beschriiwen. Deerüt wörd dan lääser dåt uurd „wende“.

Jü 1902 grünläide Domowina – Bund Lausitzer Sorben e.V. sat önj Bautzen än as di poliitisch frie tåågeforiining foon da sorbische feriine. (13 feriine brouder än süster 5 regjonåål bund).

> Minderheitenspezifische Regelungen