Trochowani 60.000 čłowjekow tworja tučasnje serbski lud. Serbja sydla jenož w Němskej a to w Hornjej Łužicy (Swobodny stat Sakska) jako Hornjoserbja a w Delnjej Łužicy (Kraj Braniborska) jako Delnjoserbja.

Serbski lud, zwoprědka słowjanske kmjeny sewjerowuchodnje Karpatow přińdźechu před něhdźe 1.500 lětami do kónčiny mjez Baltiskim morjom a Rudnymi horami. We Łužicy móžachu swoje kulturne kajkosće přez lětstotki zdźěla zachować a wuwić – přetorhnjeni mjez druhim přez politiku nacionalsocialistow. Eksistuja dwě serbskej rěči: Hornjoserbšćina a Delnjoserbšćina, kotrejž so dźensa we mnohich swójbach a we wšědnym dnju wužiwaj. Tola wosebje Delnjoserbšćina je jara wohrožena.

Nimo pomjenowanja jako Serbja wužiwa so w Braniborskej w Němčinje tež wuraz “Wenden”, zdźěla samo oficialnje. Tute pomjenowanje pochadźa wot romskich stawiznarjow, kotřiž njeznate kmjeny we wuchodźe ze zapřijećom “Veneti” mjenowachu, z čehož so pozdźišo “Wenden” wotwodźi.

1912 załožena Domowina – Zwjazk Łužiskich Serbow z.t. ze sydłom w Budyšinje je politisce njewotwisny třěšny zwjazk serbskich zjednoćenstwow (13 towarstwow a 5 župow).

> mjeńšinospecifiske rjadowanja