Menu
Třěšna organizacija wšitkich za sewjerofrizišćinu dźěłacych towarstwow a zarjadnišćow w Sewjernej Friziskej a na Helgolandźe je Frasche Rädj/Friziska rada, sekcija sewjer z.t. W swojim wšědnym dźěle rozumi so jako kontaktowa a koordiněrowaca instanca, kotraž zhromadne zajimy Sewjernych Frizow dowonka a w druhich gremijach zastupuje. Čłonojo Friziskeje rady su woleni delegaća/zastupjerjo a zastupjerki swojich towarstwow.
Sydło je w měsće Bräist/Bredstedt we wokrjesu Sewjerna Friziska w Schleswigsko-Holsteinskej. Nadawki Frasche Rädj dadźa so w cyłku do štyrjoch dźěłowych wobłukow rozdźělić:
k homepage Frasche Rädj
wjace wo Frizach
Zastupjerka w Mjeńšinowej radźe je předsydka Frasche Rädj/Friziska rada, sekcija sewjer, Ilse Johanna Christiansen kaž tež jeje zastupjer Heinrich Bahnsen.
předsydka Frasche Rädj/Friziskeje rady, sekcija sewjer
• narodźena a wotrostła w Sewjernej Friziskej
• diplomowa psychologowka
• aprobowana psychoterapeutka, přistajena w fachowej klinice
• swobodnje skutkowaca mj. dr. w zarjadnišću za zbrašenych
towaršnostny angažement:
• frakciska předsydka Južnoschleswigskeho wolerskeho zwjazka (SSW) w měšćanskim zastupnistwje Bredstedt
• druha předsydka Friisk Foriining
• wot 2013 předsydka Frasche Rädj/Friziskeje rady, sekcija sewjer
• wot 2015 zastupowaca měšćanostka města Bredstedt/Bräist
zast. předsyda Frasche Rädj/Friziska rada sekcija sewjer/ zast. předsyda sewjerofriziskeho towarstwa
• narodźeny w Ockholm, Sewjerna Friziska w friziskorěčnym staršiskim domje
• diplomowy nalutowarski hospodar
• hač do 2009 prokurist nalutowarnje, dźensa wuměnkar
towaršnostny angažement:
• 36 lět gmejnski zastupjer w Breklum
• 9 lět čestnohamtski wjesnjanosta
• rěčnik frakcije CDU
• předsyda wuběrka za socialne, młodźinu a sport kaž tež finančneho wuběrka
• čłon hamtskeho wuběrka a šulskeje zwjazkoweje zhromadźizny
• 10 lět předsyda w financnym wuběrku šulskeho zwjazka
• 19 lět čłon předsydstwa towarstwa Sewjerofriziski institut, Braist
• wot 1997 čłon předsydstwa sewjerofriziskeho towarstwa z.t., z toho 3 lěta předsyda, wot 2013 zastupowacy předsyda
• zastupowacy předsyda Frasche Rädj/ Friziska rada sewjer
Dźensniši Seelter Buund załoži so w lěće 1972. Hižo lěta 1952 bu prěnje domizniske towarstwo Seelter Buund załožene, kotrež wšak jenož 10 lět wobsteješe.
Hłowny nadawk towarstwa Seelter Buund jako domizniskeho towarstwa za Satersku je zdźerženje saterskofriziskeje rěče kaž tež wašnjow a nałožkow Saterskeje. Zwjazanosć z domiznu, jeje stawiznami a jeje krajinu je za Seelter Buund pohon k dźěłu. Seelter Buund je přez swojich zastupjerjow z EBLUL-Němska, z Mjeńšinowej radu w Němskej a přez FUEN tež z mnohimi mjeńšinami w Europje wusko zwjazany.
k homepage Seelter Buund
wjace wo Frizach
Zastupjer w Mjeńšinowej radźe je Karl-Peter Schramm.
Sobustaw předsydstwa Seelter Buund
• Saterski Friza z Delnjeje Sakskeje
• powołanje: wučer na wosebitej šuli n. w.
powołanski puć:
• 1964-1966 srjedźna wikowanska šula
• 1966-1971 wukubłanje a přihotowanska słužba při AOK Oldenburg
• 1971 srjedźne zarjadniske pruwowanje
• 1971 pruwowanje za njeabiturientow na uniwersiće Bremen
• 1971-1974 studij wučerstwa na uniwersiće Carla von Ossietzkeho w Oldenburgu
• 1977-1979 studij wosebiteje pedagogiki/pedagogiki za we wuknjenju haćenych šulerjow
• 1975-1990 wučer na wosebitej šuli Barßel
• wot 1990 na wuměnku
towaršnostny angažement:
• wot 1970 čłon SPD
• wot 1986 čłon gmejnskeje rady w Saterskej
• sobustaw we wšelakich fachowych wuběrkach, na přikład w zarjadniskim wuběrku a k tomu předsyda fachoweho wuběrka za wohnjowobornistwo SPD
• wot 1995 dźěło w domizniskim towarstwje; čłon předsydstwa w Seelter Buund
• wot 1998 předsyda Europskeho běrowa za rěčne mjeńšiny (EBLUL Němska)
• wot 2004 sobustaw wuběrka za prašenja friziskeje ludoweje skupiny
• wot 2005 čłon Mjeńšinoweje rady Němskeje
Z kónca 2020 je Henk Wolf wědomostny społnomócnjeny za saterofrizišćinu Oldenburgskeje krajiny z běrowom w radnicy w Ramsloh/Roomelse. Rodźeny Friza z Nižozemskeje je prěni hłownohamtski rěčny społnomócnjeny gmejny Saterland/Seelterlound we wokrjesu Cloppenburg. Dalše informacije k wědomostnemu społnomócnjenemu za Saterofrizišćinu: www.seeltersk.de a www.saterland.de .